Varsle om kritikkverdige forhold
Eksterne selskap og personar sin moglegheit til å varsle:
I Avinor og tilhøyrande dotterselskap ønskjer vi å ha ein trygg og open ytringskultur. Som besøkjande, kunde, leverandør, samarbeidspartnar eller annan ekstern person/selskap blir du oppmoda til å varsle dersom du observerer eller blir orientert om eit forhold du vurderer som kritikkverdig.
Ordinære kundeklager skal sendast inn her:
tilbakemelding.avinor.no/Complaint/Create
Døme på kritikkverdige forhold
Med kritikkverdige forhold meinast forhold som er i strid med lover og reglar, etiske retningslinjer i verksemda, eller etiske normer som det er brei semje om i samfunnet.
Eksempel på kritikkverdige forhold er:
1. Ulovlege handlingar: Svindel, korrupsjon, tjuveri, eller andre økonomisk kriminelle aktivitetar.
2. Mobbing, trakassering eller diskriminering
3. Alvorlege brot på etiske retningslinjer: Til dømes.krenking av miljølovgjeving og menneskerettar.
4. Sikkerheitsrisikoar: Handlingar eller unnlatelser som kan setje helse, tryggleik eller miljø i fare.
5. Andre kritikkverdige forhold: Alvorlege brot på Avinors etiske retningslinjer eller prosedyrar.
Korleis varslar eg?
Som ekstern i Avinor kan du varsle på følgjande måtar:
- Ved å fylle ut digitalt skjema for varsling i Avinors interne varslingskanal.Varsel som blir sendt inn i varslingskanalen blir handtert av Avinors varslingsutval.Du kan også varsle anonymt.Varslingskanalen finst her: https://tilbakemelding.avinor.no/Whistleblowing/Create
- Via Avinors uavhengige varslingskanal.Kanalen vert handtert av Advokatfirmaet Bull. Varsling kan sendast per e-post til:
Som varslar bestemmer du sjølv kva slags informasjon som skal gjevast. Det er ikkje eit krav at du kan dokumentere den kritikkverdige hendinga, handlinga eller unnlatelsen. Varselet bør likevel vere så detaljert som mogleg og, viss det finst, innehalde dokumentasjon på det kritikkverdige forholdet.
Du kan som nemnt varsle anonymt, men vi tilrår likevel at du varslar med fullt namn, då det vil gjere undersøkingane lettare.
Kva skjer når eg har varsla?
Etter at du har varsla, vil det bli sett i verk høvelege tiltak for å følgje opp varselet. Det vil bli gjennomført undersøkingar for å få meir informasjon om forholda det er varsla om. Både varslaren, den det er varsla om, og andre involverte kan bli kalla inn til ein samtale som ledd i desse undersøkingane.
Nivået på undersøkingane, saksbehandlinga og oppfølgingstiltaka vil variere frå sak til sak. Dersom det viser seg at det er behov for ytterlegare undersøkingar, eller det blir avdekka straffbare forhold, kan det også bli aktuelt å koble inn eksterne aktørar som politi, eksterne advokatar osv.
For meir informasjon om kva du kan varsle om, kven du kan varsle til, korleis du skal gå fram, og korleis varslet ditt vil bli handsama, viser vi til Avinors varslingsrutinar for eksterne:
Avinors varslingsrutine for eksterne finst her: