Kraninnmelding

• I flyplassens sertifikat utstedt av Luftfartstilsynet er Avinor pliktig å sørgje for at ingen hinder penetrerer hinderflatene spesifisert i EASA Certification Specifications and Guidance Material for Aerodrome Design (CS-ADR-DSN) Chapter H — Obstacle Limitation Surfaces.
• Utstrekninga av hinderflatene varierer etter lengda på rullebana og kva for innflygingssystem som blir brukt. Dei viktigaste flatene for Oslo lufthamn er:
• Sideflata (Transitional surface): Denne startar 140 meter frå senterlina til rullebana og stig med 14,3% (1:7) til ho treff horisontalflata på 253 moh. Høgda på startpunktet er høgda på næraste punkt på senterlina til rullebana.
• Horisontalflata (Inner horizontal surface): Ligg som ei stor flate 253 moh. over lufthamna med ein radius på 4 km. 60 m ut frå kvar landingsterskel.
• Innflygingsflata (Approach surface): Startar 60 m ut frå landingsterskelen og stig med 2% (1:50).
• Utflygingsflata (Take-off climb surface): Startar 60 m ut frå baneenden (på Oslo lufthamn er baneenden samanfallande med landingsterskel) og stig med 2% (1:50). I sørenden av austre rullebane startar likevel utflygingsflata 400 m sør for baneenden på grunn av.

• Avinor vil på bakgrunn av kraninnmeldinga gjere ei fagleg vurdering av om planlagd kran utgjer eit hinder for flya sine inn-/utflygingsprosedyrar.

• Ein kran vil nesten alltid gi «forstyrringar» på bakkeradarsystema i og med at radarstrålar reflekterast på metalloverflater. Bekymringa på bakkaradar er derfor i hovudsak falske radardeteksjonar, altså radarrefleksjonar frå kran som visest f.eks. på rullebanen. Dette kan gi alarmar i kontrolltårnet og er veldig uheldig ved dårleg sikt då flygeleiar ikkje visuelt kan kontrollere om det faktisk er eit objekt på rullebanen eller berre ein falsk radardeteksjon.
• Kranar som løftar store objekt kan også forårsake radarskygge medan arbeidet pågår, noko som er uheldig under dårleg sikt.

• Avinor gjer ei vurdering for å sjå om krana kjem i konflikt med restriksjonsområda spesifisert i Forskrift om flynavigasjonstjenesten (BSL G 6-1). Ved ein konflikt vil ein sende ei førespurnad til Avinor Flysikrings Teknisk senter i Asker for simulering for å sjå om kranbruken likevel kan tillatast med visse atterhald. Ein slik simulering bekostast av tiltakshavar.
• Restriksjonsområda for flynavigasjonsutstyret for Oslo lufthamn finnast utteikna her (du kan sjølvsagt sjå bort flatene knytt til tredje rullebane kva gjeld mellombels kranbruk – dog ikkje permanente bygg).

Dersom den omsøkte kranbruken blir vurdert slik at den vil vere i konflikt med minst eitt av forholda ovanfor – vil Avinor prøve å føreslå ei løysing for at løftet likevel kan gjennomførast. Det kan til dømes vere å:

• Bruke ei mindre kran
• Bruke ein annan type kran
• Søke Luftfartstilsynet om avvik
• Gjennomføre løftet på nattestid etter koordinering med Oslo lufthamn
• Iverksette kompenserande tiltak